როგორ მუშაობს ჯავშანი — ინსტრუქცია ექიმებისთვის

  1. პაციენტი ჯავშნის თქვენთან კონსულტაციას

    პაციენტი შედის geomedi.ge-ზე, თქვენს პროფილზე. ირჩევს თქვენს მიერ მითითებულ თავისუფალ დროს, ავსებს მონაცემებს და იხდის კონსულტაციის საფასურს.

  2. თქვენ იღებთ შეტყობინებას WhatsApp-ზე

    როგორც კი პაციენტი დაჯავშნის თქვენთან კონსულტაციას, თქვენ ავტომატურად მოგივათ შეტყობინება WhatsApp-ზე (იმ ნომერზე, რომელიც განაცხადში მიუთითეთ), სადაც არის ვიზიტის თარიღი, დრო და ვიდეო-ზარის ბმული.

    შეხსენების მიზნით, იგივე ბმული მოგივათ განმეორებით WhatsApp-ზე კონსულტაციამდე 1 საათით ადრე. ლინკი აქტიური ხდება კონსულტაციამდე 15 წუთით ადრე.

  3. კონსულტაციის დრო

    გახსენით WhatsApp-ში მიღებული ვიდეო-ზარის ბმული, ან შედით თქვენს პირად კაბინეტში geomedi.ge-ზე (რომელიც გამოგეგზავნათ იმეილზე, რეგისტრაციის დადასტურების შემდეგ), სადაც ასევე ნახავთ ყველა თქვენს ჯავშანს. მიღებულ ბმულზე დაკლიკებით, ჩაერთვებით პაციენტთან ვიდეო-კავშირში.

  4. თქვენი პირადი კაბინეტი

    ყველა მომავალ ჯავშანს და განვლილ კონსულტაციებს, თქვენი სამუშაო საათების მართვას და პაციენტების ჩანაწერების ნახვას შეძლებთ თქვენს პირად კაბინეტში (რომელიც გამოგეგზავნათ იმეილზე, რეგისტრაციის დადასტურების შემდეგ).